Miseensonni ABO konyaa denver fi hawaasni Oromoo Ccolaradoo guyyaa seena qabessa gotoota Oromoo sirna oowwan Ebla 18, 2009 Magaalaa Denver keessatti kabajannee jirra . Walgahiin kun akka aadaa oromoon kan eebba manguddoon baname yoo tahu, tuutni dargagoo fi shamarran Oromoo faaruu Alaabaa itti aansuun jalqabuma irraa sirna owwisani jiru.
Cayaan dubartootaa Oromoo Denver qaaman argamuu qofaa osoo hin tahiin uffata aadaa fi nyaata aadaa qopheessun sirna kana midhaysani jiru. Walgahii boodaas Bandiin dargaggoo fi shamarran Oromoo Denver hirmaatoota galama guute bohaarsani jiru.
DT Konyaa ABO Denver J. Mohamed Adam hirmaatootaa fi kanneen qophii bareedaa akkanaa qopheessan galateemfachuun jiddu jiddutti walaloo fi haasawni adda addaas godhamee jira.
Qophii kana irratti J. Odaa Xasee MGS fi gaafatamaa birkii jaarmayaa fi Siyaasaa Biyyaa Alaa argamuun seena guyyaa gootata fi haalaa qabatama yaroo amma qabsoon Oromoo irratti argamtuu irratti ibsaa bal’aa nuuf kennanii jira. Walgahuma kana irratii J. Billoo Garbii itti gaafatamaan Beeysisi Kutaa USA haasaa godhanii jiru.
Nutiis guyyaa seenaa qabessaa kana sababaa gudhachuun eessa irraa kaanee eessa akka jirru of duubaa deebi’uun xiinxallee hujiin konyaan kun hojjattee boonsaa tahullee bilisummaa Oromoof ammallee karaan dheeran fuula dura hafuu isaa waan beeynuuf dhaabaa keenyaa ABO fi WBO waan barbaachisuu hundaan biraa yoomiyyuu daran bira dhaabaachuu fi dirqamaa dhaabni keenya yaroo yaroon dabarsuu hundaa alaan ala fi gunggummii tokko malee fudhannee hujii irraa oolchuuf murteeffachuun, Irbuu keenyaas irraa deebinee harayoomfachuun murtii ejjannoo armaan gadii kana dabarfannee jiraa.
- Ajjeechaa, saamiinsa, haccuuccaa fi gochaa shanyii duguuggii mootummaan TPLF/EPRDF ummataa keenya irratti raawwachaa jiru dura dhaabbanna .
- Dhaaboonni mirga dhala namaaf falmanii fi mootummoonni adunyaa mootummaa shorarkeessuu kana akka murtii seeraaf dhiheessaan iyyannaa keenya dabrfanna. gaaffannu.
- Oloola dharaa keessa fi alaan ayyan laallatoonni dhaabaa keenyaa ABO fi hoggana keenyaa irratti oofan hundaa dura dhaabbanna. Oloola dharaa kanaas ciminaan dura dhaabbachuuf murteeffanne.
- Dirqama Oromummaa fi gaafatama seena gootowwaan Oromoo dhiigaan taraaranii aarsaa itti tahan hordofnee dhaaba keenyaa ABO biraa karaa dandeenye hundaan ni dhaabbanna.
- Miseensota ABO turtani sababa adda adda addaan qabsoo ala bahatan, kanneen yakka dhaaba keessan irratti hin dalagin akka deebitani xurree gootoowwan keenya dhigaan taraaran kana irratti deebitani, qabsoo teenya waliin bakkaan geenyu waamicha isiniif goona.
- Afanfaajjii murni sirnaa dhaablee mooraa qaabsoo keessatti uumaniin jaanjoytani mogatti baataniis akka qabsoo dhiigaan as geessa kana of duua deebitani xiinxaluun karaa sirrii irratti deebi’uun qabsoo Oromoo ABO dhaan hogganamu bira akka dhaabbatan waamicha isiniif goona. .
- Ilmaan Oromoo mooraa diina keessa jiraachuun gochaa gara jabinaan mootummaa gooleesituu Wayyaanee cal’iftanii ilaalaa jirtanii fi kanneen gochaa fashiistummaa ummata keenya irratti raawwachaa jirtan gochaa farra ummata keessanii kanarraa dhaabbatanii mooraa qabsoo Oromoo ti akkaa deebitan waamich isiniif dabarsina. Osoo gaafatamnii seena isiin irratti hin jiiynees, dirqama Meles Zenawi irraa fudhattan dhaabdani kallaachaa Qabsoo Oromoo ABO irraa dirqama keessan fudhattani qawwee keessaan akka gara diinaa gara galchitan dhaammanna.
Jallawwan bilisummaa sabaaf lubbuu isaanii kitiman bara baraan ni yaadanna, dhaamsaa isiinis murannoon bakkaan ni geenya.
Injifannoo Ummata Oromoof!
Gadaan Gadaa Bilisummati !!
Konyaa ABO Denver fi Hawasa oromoo Denver
